Pa en cenando

Por Pepe Monteserín (2 de mayo, 2008)

1.
¿Nunca te pasó eso de regresar
a la to tierrina,
nun dar con ella
ya tener que parila?

2.
¿Quies que t’alcuentre?
¡Ven, entós!

3.
Sábenme a poco
los tos besos, bandida;
has dame más.

Paezme como si robara fame,
ya lluegu suénamne las tripas
a música celestial.

4.
Espérame colas piernas abiertas;
cierro yo tras de mi,
según entro.

5.
Úntome los deos onde sabes,
ya en crudu,
tócome las muñecas,
el pescuezu
ya detrás de las oreyas,
p’ atizar el pulsu.

6.
Per un llau,
fáltame tiempu pa ser sencillu,
pel otru, dame vergoña
que s’ entienda lo que digo;
asina lloro,
enguedeyáu.

7.
Toi más perdíu que qué,
ya too por nun dame por vencíu.

Categoría: Tengo de coger la flor | Comentarios(0) | mayo 2008 |

Escribir comentario