«Amigos de Cudillero»

admin (14 de mayo, 2009)

El pasáu sábadu, la Fiesta Lliteraria de la Mar enllenó de colores

Nun hai dulda que Cuideiru ye llugar d’inspiración, llugar qu’invita a suañar, llugar que desata la pluma de los poetes y el pincel de los pintores. Cuideiru ye pintura. Cuideirye poesía. Asina, ente colores y versos, ente rimes y pinceles, la pluma de María Zamarreño, alumna del IES Isla de la Deva de Piedras Blancas, pintó un caligrama. Un paisaxe de ficción que podemos contemplar lleendo’l guapu cuentu visual onde ella describe d’una manera mui particular la mar y el paisaxe d’esti requexu encantáu que ye Cuideiru.

D’esta manera, de la mano d’esta xoven escritora, llegué’l sábadu al palaciu de La Magdalena, en Soto’l Barcu, pa celebrar la Fiesta Lliteraria de la Mar, qu’organiza con tantu esfuerzu y dedicación l’Asociación Amigos de Cudillero. Nesta fiesta que ya se convertió en fiesta tradicional, pues lleva 38 años celebrándose, la lliteratura tien un llugar importante. D’una parte, pol prestixosu concursu lliterariu que tolos años convoquen y d’otra, pol cuadernu lliterariu que, por encargu, escriben pa la ocasión distintes personalidaes del mundu de la cultura.

Cuando nun actu como ésti la lliteratura ye protagonista, reina, de xuru, el bon gustu y la esquisitez, y nun lo digo polos manxares que nos sirvieron pa cenar, que bien merecen chufase. Dígolo, sobre too, polos manxares lliterarios que pudiemos saboriar. A esti banquete lliterariu fui, como dixi, de la mano de la mio alumna María Zamarreño, ganadora del concursu lliterariu «Cudillero, el pescador y la mar». María tomó la palabra y lleyónos el caligrama, tituláu «Colores», un cuentu visual, nel que l’autora representa la más guapa marina pintada con palabres.

La nueche festiva brilló tamién pal mundu del teatru, representáu ellí por Arturo Castro, quien recibió ente rellumos la insignia d’oru de l’asociación.

Ye mui prestoso vivir por unos momentos ente colores y lluces, música y emoción, y poder escaecese de la negrura que nos pintan a diariu n’otros foros.

Negru nos pintó’l panorama José María García, autor del cuadernu lliterariu qu’escribió pa la ocasión, quien fixo un «repasu», col so particular estilu críticu, pol mundu de la política y de la sociedá asturiana y española. Bien ye verdá que nun nomó a naide en particular, pero nes sos palabres yera fácil identificar a los aludíos. Hubo silenciu y tamién aplausos, ante les sinceras palabres del periodista, que foi presentáu con galanura por Sabino Fernández Campo.

Pa volver a suvizar l’ambiente disfrutamos d’unos entremeses musicales a cargu del «Ochote Asturias», que remataron el cuadru «Colores» con unos guapos sones, xusto enantes d’entamar a cenar.

Y dempués de saboriar los menús lliterarios y gastronómicos, tuviemos qu’ayudar a María a portiar el carráu de llibros colos que foi obsequiada. Menos mal que la bayurosa cena aportónos enerxía pa tresportar toa aquella lliteratura regalada.

Categoría: General Comentarios Comentarios (3)

3 Respuestas a “«Amigos de Cudillero»”

  1. xuga Escribió:

    Saludus moza, tas que non pares de dir a presentaciones de llibros y fiestes lliteraries ainda tienes tiempu de escribir un llibru de poemes “Menu de versos”, que me prestaria poder algamar, si tienes tiempu da el nome de alguna llibreria que lu tenga.
    En Cudillero, fue una nueche feliz, entre los caligramas de tu aventajada alumna, el coriquin y la mar que non daba vuelta, (mar bella), alcordeme de la xacara que dice así:
    Con pan tiernu e na masera
    Y sidre en llagar
    Bona llaconada te espera
    Y bon sabroso pasar.

  2. carlos Escribió:

    Gracias Esther.

    Los que fuimos alumnos tuyos nunca sabremos agradecerte lo suficiente tú labor docente, no sólo en llingua asturiana o en lengua y literatura española. Tú contribuyes al desarrollo de la imaginación por medio de las palabras y ¿Por qué será qué algún alumn@ tuyo resulta premiado?

    También quería agradecerte la carta que escribiste a Nené.

    Muchas gracias.

    Carlos A. losada

  3. pili Escribió:

    Esther hoy vuelvo a retomar mis aficiones y ¡como no seria de otra forma me encuentro que tu teson,,te hace no descansar’—que lanzamiento de ideas nos das a esta sociedad actual,. con tanto aplomo, pues sin duda las cosas saludables ,,serian mucho mas facil de seguir ,empezando ,desde muy temprana edad a cultivarlas,,en esos momentos se toma como juego y….a lo largo y ancho de la vida ,las practicamos con imaginacion volviendo por veces a rebuscar esa niñez donde no eramos ,,,en circunstancias,,solo un numero ,que algun compa hace de los alumnos.esther tengo la seguridad que tu sembrar ,nunca quedara inmune…TANTAS PERSONAS COMO LES HACES LLEGAR TUS BUENAS INTENCIONES,,,,,,,,animo y cada cual dos palabras harian que tan positiva sociedad no decaiga.ANIMO

Escribir comentario