A Nené Losada, dende México

admin (15 de abril, 2009)

Adiós a Nené Losada, gran poeta y muyer entrañable.
Alcuéntrome en México, a miles de kilómetros de distancia d’Asturies, onde recibo la noticia del fallecimientu de la poeta valdesana Nené Losada Rico, amiga entrañable y cariñosa. Paecíame que nun podía ser. La muerte siempre nos dexa descolocaos. Nunca tamos preparaos.
Una mala noticia a miles de kilómetros de distancia, vívese de forma diferente. Nesa urbe tan grande, como ye México, onde lo desconocío, lo distinto, la belleza, la riqueza, la probeza, la dulzura, la fala, les pirámides, les ilesies, les piedres, los mariachi, los mercaos inmensos, el golor y el sabor a picante, como quien quier narcotizar col picor la frialdá de la gran ciudá; l’allegría y el dolor y otres realidaes poco prestoses, allóñente per unos díes del contestu onde tienes les tos vivencies cotidianes. Nel cuartu del hotel, espaciu fríu, ya impersonal, lloñe de la mía tierra, faise difícil sobrellevar el dolor pola muerte d’una amiga, ensin poder tar cerca pa da-y l’ultimu adiós nesi viaxe qu’empriende al país de la lluz. De xuru un llugar muncho menos bulliciosu que México.
Déxanos Nené una bona herencia: les sos palabres en forma de versos que seguirán xorreciendo en tolos requexos lliterarios. Déxanos n’alcordanza la duluzura y la sonrisa cola que siempre nos recibía a toos. Nestos momentos necesítase tar cerca de les persones coles que compartir el dolor, l’ abrazu, l’apretón y les llárimes. El dolor compartíu alivia l’alma, nun cabe dulda, y fainos resignanos ante una realidá tán real (valga la redundancia) como ye la muerte.
Por eso, pa ti Nene, dende México, a onde estos díes me llevó l’amor de madre, p’abrazar al mio fiu qu’hasta tan lloñe lo traxo’l destín, esi amor que tu nos manifestasti con tanta tenrura nos tos versos, escríbote estes llinies que yá nun lleerás nel sofá de la to casa, y yá nun podré escuchar toles chufes que con cariñu me facíes cuando lleíes los mios artículos. Pero sé que lo lleerás dende’l cielu. De xuru que nun ye’l meyor escritu que te quixera dedicar. Fáltenme palabres. Cuando’l dolor ye intensu ye difícil espresar nun papel tolo que se siente. Pero, estes palabres, sorrayaes con llárimes, tán feches con tol cariñu y almiración que por ti sentí siempre, como poeta, como muyer ya como amiga cercana ya cariñosa.
Amás de dexar constancia nel papel y nel espaciu virtual qu m’ufierta esti periódicu, espero qu’estes míes palabres, que te dedico de corazón, te lleguen al espaciu maraviosu onde tu t’alcuentres. Esti ye’l mio humilde homenax a ti, mio querida Nene.

Categoría: General Comentarios Comentarios (2)

2 Respuestas a “A Nené Losada, dende México”

  1. llobu feroz Escribió:

    Pasaste la mar como les andolinas, y les males noticies alcontraronte lo mesmo qu´en casa.
    Tamos de pasu, ya no queremos reconocelo, debiamos consultalo con el cuquiellu, comu cuandu de guajes, ilusos cantabamos, ¿Cuquiellin del rey, rabiquin de fierru, cuantus añus falten pal miou intierru?. Saludos y p´alante.

  2. pili Escribió:

    LLobu feroz,…despues de dejar la infancia ,,deciamas …cuquiellin del rey paliqui descoba ¡cuantus añus faltan pal dia la mio boda’ y asi habia momentos entretenidos,enel grupo formado por varias amigas llegadas esas feghasprocurabamos por lo menos traer siempre una perrona en bolso,……..MIL DISCULPAS PUES ME ALEJO DEL PESAR DE ESTHER’ gonsciente pues una amiga de la infanciadeja interiormente una espina sin posibilidad de sacarla ..pienso…ahora te sigue acompañando, solo que en otra dimension..TE DESEO PARA ELLO LA MAXIMA RAPIDEZ PARA QUE SEA UN NUEVO COLOR DE VELO EN ESTA NUEVA ETAPA.. EN TIERRAS MEXICANAS TENGO MIS RAICES ..mama d.e.p.nacida en VERACRUZ .SUS PAPAS DE AQUI .LOS DOS EMIGRARON.. POR CIERTO ,,COMO ANECDOTA TENJA RASGOS DE ALLA MANOS PEQUEÑAS Y RASGOS DE SU NARIZ….ALA VEZ UN DIALECTO MUY DIFERENTE .REGRESO A LAS RAICES DE MIS ANTEPASADOSCON8 AÑOS………,,,,,,,,,

Escribir comentario