Selmana Santa

admin (1 de abril, 2009)

La forma de vivir la Selmana Santa foi cambiando nos caberos años.

Llega la Selmana Santa. Nesta dómina de frivolidaes na que vivimos too va cambiando y, en ciertu mou, la forma de vivir esta celebración relixosa. Procesiones fervoroses en distintos llugares de la nuesa xeografía atraen a los de casa y a turistes. Pero, al empar, cada vez más estes feches santes ocúpense pa facer turismu de playa, con eso de la moda de qu’hai que salir a fuera cuanto más lloñe meyor y dir a llugares exóticos que poco tienen que ver con esta celebración relixosa.
Va unes décades yeren díes de recoyimientu, dedicaos dafechu al cultu relixosu. En Belén de Valdés, onde yo diba a la ilesia cuando yera neña, el día Ramos yera costume, como agora, llevar un ramu de lloréu y ún más pequeñu d’oliva. Los de los neños engalanaos con rosquíes y carambelos. Naquella dómina, dalgunos paisanos llevaben un ramu tan grande como un árbol, y los que se subíen a la tribuna gastáben-yos bromes esmochándo-yoslu y dexándo-yoslu ensin la pica. Xente que nun acudía en tol añu a misa esi día nun podía faltar. Y eso sigue manteniéndose. El ramu benditu en casa ye dalgo imprescindible. Amás d’utilizase n’otros rituales y de protexer la casa escontra les bruxes, unes fueyes d’estos ramos, ente’l borrayu la cocina, espanten la tronada.
Dende’l Xueves al Vienres Santu, facíase “vela al Santísimu”. De día tocába-yos velar a los neños y a la mocedá y pela nueche a los mayores. Les muyeres a facer guardia na ilesia, y los homes pa la taberna, la otra capiella, a esperales. ¡Con que recen les muyeres los homes tán salvaos! Estos tres díes yeren díes de llutu. Tocábense les carraques en vez de la campana. Pa los neños yera un ilusión.
Inda se conserva la costume de prender una vela por familia p’allumar al Santísimu. Vela que se guarda tol añu na casa y que s’utiliza los díes de tronada, pa echar unes gotes de cera na puerta casa pa face-yos fuxir a los truenos.
El sábadu a les doce la nueche yera la Misa de Gloria y la bendición del agua y el fou, ceremonia que n’actualidá se fai’l domingu de Pascua. Les families lleven una botella con agua, qu’intercambien pol agua bendito de lo que’l cura bendiz nun gran balde.Ye mui importante que la casa nun se quede ensin esti agua, que se conserva tol añu ensin podrecer. Enantes utilizábase pa distintos rituales, ente ellos la bendición de les tierres. Una ramina de lloréu o d’oliva de lo que se bendicía’l día Ramos, moyada nel agua bendito, sirvía pa bendicir la tierra semao, pa que diera bon frutu y pa que fuxera tola comia que-nun-y dexaba medrar.
Afuera, sapos ya ratos/ ya tola comisión/, qu’aquí vos traigo l’agua bendita/ y el ramu de la pasión.
Sicasí, yá poca xente se dedica a l’agricultura y en vez d’agua bendito pa espantar la comia, más bien echen productos químicos.
Asina son les coses. Too vei cambiando col tiempu y les tradiciones relixoses nos pueblos tamién. Nos caberos años, pola mor de la motorización, la xente acude a los distintos puntos d’Asturies a les procesiones, con más o menos fervor. Dalgunes con asistencia de miles de persones, como por exemplu les de L.luarca, sobre too la xubida del Nazareno, a la qu’acude xente de tol conceyu y de toa Asturies. Una procesión silenciosa ya entenrecedora, presidida poles autoridaes eclesiástiques y civiles. Los l.luarqueses saben contaxar l’amor pola Vil.la y poles sos tradiciones relixoses y festives. Seya como seya. lo importante ye que se vivan con amor.

Categoría: General Comentarios Comentarios (6)

6 Respuestas a “Selmana Santa”

  1. xuga Escribió:

    Selmana santa llera un tiempu muy sele, pa los guajes, vacaciones, procisiones, veles pa llucir na iglesia y matraques, pa matar judios, prubinos foe de les primeres coses que maté, aluego ya segui con gorriones, peges y otres pieces pequeñines, la caza meyor, la de gatus, non se me dio enxamas, per estí tiempu, lleren los unicos que andaben alloriaos, tarde algun tiempu en enterame del asuntu de los gatus pe la selmana santa.
    Dir pa´l monte pe lus ramus de llaurel florio, tamien trae bonos recordances, pa ya divamos rapacinos y rapacines a pol llaurel y aluego unes ramines de romeru pa´l domingu de Ramus, llevalos a bendecier y llucilos na procesion.
    Selmana santa, tiempu muy sele, pa los rapacinos.

  2. pili Escribió:

    En la parroquia donde vi la luz del dia por primera vez.

  3. pili Escribió:

    En la parroquia donde vi la luz del dia por primera vez.SAN MIGUEL DE QUILOÑO,AÑO1946,SIENDO PARROCO DON BRAULIO,SALGADO MENENDEZ,..REcuerdo perfectamente ,todas estas vivencias ,de esta buena colaboradora ESTHER…La iglesia estaba llena a rebosar de la mayoria de las casasfamilias enteras tamien aquel retoñin ,que aveces era mas pequeñu que la palma oelramu de llaurel…HABIA MUCHOS MAS INCOMVENIENTES ..pues LA RAMERA EJEMPLO,Q SERAN 5 Km bajaban diriamos animando a los siguientes ,LLODARES LAS BARZANAS, LA RIERA,ETC,ERA una procesion pues unido ala mala carretera se contagiaba, la ilusion de un año mas vivido a nivel pueblu …Encoche SANFERNANDO MITAD APIE OTRA MITAD ANDANDO..ESA GRAN ENERGIA POSITIVA DE NUESTROS PREDECESORES.NUNCA MUERE…..SIENTO Q AL RENOVARLO PERDI UN POCO LA NOCION DEL TIEMPO pili

  4. Villa de Grao Escribió:

    Precisamente en este momento están retrasmitiendo la procesión del Nazareno de Luarca,la presentadora acaba de decir lo que a mí me parece una gran verdad «lo de menos son las creencias».Yo no soy creyente, sin embargo esta procesión es preciosa,la del viernes de Málaga impresionante, y las de León y Salamanca muy bonitas también.

  5. llobu feroz Escribió:

    Histories de Selmana Santa
    Josepin el fugau, asina me llamen toos per el pueblu, el daque de estí nome vienme de un vienres santu, lle una historia muy babaya.
    Nueche de vienres santu na aldea, de toes les cases salen homes y muyeres, elles pa la iglesia p´allumbrar al Santisismu, dalgunos homes faen un altu nel chigre de Sindon, que tien puerta y contraventanes cerraes a cal y cantu, mas per mieu al cura, que pe la fecha, peru comu nesta vida too tien trampa, tien un portiellu, pela parte les corraletes, per elli entren too los burros pal pesebre, oyiaí dicir a tia Matilde.
    El casu lle que na media nuche alcontreme dispiertu y solu na casa, con la puerta pieslla, encima taba too oscuro, non sabia ni encender la lluz, como per el ventanu vei clarida, abrilu asome y blinque, encamineme pal sitiu onde sabia da seguru que siempre habia xiente, pal chigre de ca sindon, alrodielu, abri el portiellu, y pa dentru, estupor xeneral, un rapacin de pocu mas de seis añus en chigre, na aquelles hores, mi pá con cara d´aparau, apenes dixome, Josepin fiu que faes equi, non me dieron tiempu pa falar na, porque Anton el brañeiru, dixo en medio del asombru de toos, Lito que preguntes, estí ye otru fugau del cura, n´aquel mismu momentu quede bautizau, Josepin el fugau.

  6. Villa de Grao Escribió:

    llobu feroz: me encanta tu historía

Escribir comentario